تميراتك بيظهرو لي بي شرق الفريق
بشوف الشوك تحت ليها سادد لي الطرق
*** ***
ساعة أكون مندلي ومعاي المنجل رفيق
شايل (كرسيقتي) وبلملم من تحت اللوبة كاويق
*** ***
وأقلب الابقة عشان اسقي حيضان المريق
أبوي يقول لي سدو ده بقه عليهو متيق
*** ***
يجي ( حسين ساتي) يقول دايرلو جابيق
بوريهو حوضا راقد جنبو كارديق
يجابق ويربط وفي الرفع يقول ما تقدم ايديك
*** ***
أغدي نعاجي وأفوت البيت عشان ما اقطع الريق
اشوف اخوانا جاين من الطاحونة شايلين الدقيق
بدلي معاهم وكتين يطقو لي الكواريك
*** ***
وتلق كبارنا شايلن الاباريق
يتوضوا يصلوا ويحلوا مشاكل السواويق
وحدين يغالطوا ووحدين في الاجاويد
ينط واحد يقول البابور ماعندو سيد
*** ***
وتلق ااولاد سايقين النعاج جاين من رعية
دايرين يسدوهم عشان جات العشيه
وفوق عشر الزريبة والده القميرية
تغرغر في فريخاته جرعات المهيه
*** ***
والراكبين فوق تبيق اللوبة ملفوف باللوية
يدلوه من ظهر الحمار من غير اذية
*** ***
وفوق القوز يتلموا ناس الحلة في الليل
يترشقوا الكلمتات حكاوي ويحلوا القعدة بلحيل
موضوع: الخليوة زمان 
