الى كل عشاق الطمبور

أحمد زول معروف بالطيبة حسن اخلاقة وعلية اتربة تكفية شهادة ناس الحلة أن عطوف وخجول ومربه مهذب رقم حداثة سنة لبس تهذيب وأصاله وهيبة أدي الناس الحب الجور حسن الظن بيناتم شبة خشت فجاء أميمه حياة وصارت بينو و بينا محبة قلبه أختاره عشان زينه وطيبه وراقيه دسو الريد في السر بيناتم حلو حديث ودفن مخبة وكيف ينضارة من الاشواق وكيف زى ريدم يتخبه بعد أعوام وصلتو رسالة جواب مليان تقيل ومعبة قبال مايفتحة عرف الراسل باين وظاهر رسالة وهبة اخوة اللية زمن متغرب تسعه سنين قاضيهم قربة مرسل لية تذاكر وفيزة داير يجية هناك فى طيبة طأر فى أحمد اول فرحة كلم كل الناس فى صحبة لمن اذكر أميمة حبيبتو فجأء أنتاب وشعور بالخيبة لاكن قرر أنو يسافر سرعة يعود ويتم القصة لانو الغربة طريقة قصير وفية يكون تحقيق الرغبة جاتو أميمة حزينة توادعو وجاتو تجفف دمع الكبة جاتو توصى عشان ماينساة هناك فى الغربة جاتو تطمنوا انو حيفضل ريد الخالق مهما قباء وحافظة عهود الريد البينم ومهما كان حيظلو احبة أهدة مصحف عاشان يرعاة من العين والهم والكربة لبسة عهد الريد فى جيد عقد مضمون بصورة الكعبة قام اتواعدو زين واتباكو فات خلاه وحيده وخبة وسافر شال هموم واحزانو بعد ايام فى المملكه قبأ لاقو الناس بالاحضان قام سالم وأخفا قالة نصاح ناس أمى وابويا مشتاقين راجلك أوبه قاله أحمد سافر يا وهبة سافر غيرلك جو حبه ياخى خليت أمي تلاهى عليك لاخلالة ضريح لاقبة السودان مشتاقلك كله ضفاف ورمال وسواقي وتربه وحتة النيل فرحان راجيك تجى وتنهل من مويتة العذبة بعد أيام كان وهبه هناك بين اصحاب أهل واحبة في حضن أمي الطول منو فى حشانه الواسعه قالتلو أمي أخوانك كبرو مافضلنا زول يتربة بس فضلى اشوف جديدك وكتين لسه حية وطيبة اختارولو بنية سيميحى تشح حيويه رونق وهيبه أديبه وراقية وكلها عفة وبرضو أهل وقراب فى الحسبة يوم العرس الحى صباحى فرح مطلوب والناس منطربة شاقى الليل فوق كم زغرودة حس طمبور ودليب وربة الا فى وحدة حزينة وباكية شايله دموع ودوام منسكبه كان فى دموع سؤأل بيحير فيها اهات واسرار محتجبة قالو الناس دى دموع الفرحة غيرى شنو حيكون السبة بعد أيام ساق وهبة عروستو ساقة رجع لي بلد الغربة شايلو حنين لى كل اصحابو ولي احمد اخوة اشواق ملتهبة وصل الباب قام كورك يا أحمد قام فتح احمد بي لهفة ورقبة شاف قدامه المامتوقع هم الكون فوق راسو أنكبة هم الكون فوق راسة انصبة شاف السلسل عهد الريد نفس السلسل وصورة الكعبة شاف قدامه أميمة حبيبتو كانت قاسيه وقاضيه الضربه شاف احلامه تضيع قدامة بعد ماكانت منة قريبة كانت لحظة تفيض بالدهشة شاف الدنيا كانها كذبة كورك أميمة أميمة كورك وصنقع وصنقع ودنقر وقبة وكورك اميمة اميمة وجن أحمد فى نفس اللحظة وجن الريد ماأظن ينضبه ...